ياصغيرة هاتي قلبي وانتي لعبك مانعيبه

ياصغيرة مالقيتي غيرقلبي تلعبي به..
كيف جتكي هالجرائة تلعبين وتضحكين

ياصغيرة هاتي قلبي وانتي لعبك مانعيبه..
بس لازم تستريحي طول ليلك تلعبين

ياغناتي انتي طفلة لاتجيبي لي مصيبة..
يكفي اني ما أنام واحسب انك تعرفين

صار نومي من نصيبك في ظلامن نام ذيبه..
هز جفني من سواتك دمعتين وجمرتين

صار شكي في عذابك ياعدوة يا حبيبة..
ليتك انك ياحبيبة لي عدوة عن يقين

إحرميني من وصالك واشتميني بس غيبة..
لن صوتك لوسمعته يمتحني بالحنين

تنكبيني في جمالك وتكتبي لي ها الضريبة..
وراس مالي دمعتين مسلسلات بدمعتين

كن حظي لي عدو وكنك انتي تعتني به..
وانتي حظك ان قلبك ماتحرك من سنين

كن ربي ما خلقكي غير آية ومهيبة..
وكن ربي يوم قدر قدر اني أستهين

أتجرأ أتمعن في عيونك ها العجيبة..
سحر يسلب نون عيني واتخبط دون عين

رمش عينك لو دعاني غصب عني أستجيبة..
وادري انه رمش جاهل وادري انك تجهلين

بس ابا اقرب منك اكثر واتحرى منك طيبة..
ودي انعس بين خدك والشفايف والجبين

سولفي لي وانسي ايدك فوق خدي تلتهي به..
لوني لي كل لوحة في خيالي تلمسين

طال ليلي أرتجيكي في قصيدن أرتجي به..
أحلف انك مافهمتي من قصيدي كلمتين

ناسي انك طفل يلعب والقصايد ماتجيبه..
سولفو لي عنك مرة بس انا ازبن منك وين

علموني وصفوني أكدو لي دون ريبة..
دار ذهني يوم شفتك واثري اني مستهين

مابقى لي في حياتي غير لوحن أنطوي به
سهرتني فيك نظرة قلت ابا اكتب شي زين