خـــــــذني معـــــــك.!!

السلام عليكم ورحمة الله وبركاتهـ

×؛×؛×


خذني معك .. من وين ما رحت .. وياك
خذني بقلبك .. دام قلبي .. رهينك

صعبه ترى لو شفت .. وشلون ابسلاك
لو طفت هالعالم .. تراني سجينك

عذبتني .. واشقيت روح ٍ تمناك
لو ( الهوى ) ينطق .. وربي يدينك

دام الغلا .. ينزف على درب ذكراك
رغم الجفا .. لا زال .. يرجي حنينك

بعدك حياتي .. كلها ضيق .. وارباك
الواقع .. اللي .. ما تمناه .. عينك

كل المشاعر .. في غيابك .. تحراك
تصرخ عليك من الوله .. حيل .. وينك

مقدر على بُعدك .. حشى كيف فرقاك
هذي الحقيقة .. خلها .. في يقينك

ادري تساومني بروعة .. مزاياك
وتدري اضيع .. إليا بدالي .. جبينك

همك عذاب .. اللي نسى الناس .. لرضاك
وهمي اشوفك .. مهتني .. في سنينك


لو تطلب اسنين العمر .. من فداياك
سلمت لك عمري .. براحت .. يمينك

منك احتملت من الشقى فوق .. ما جاك
ذقت العناء والهم .. كني ..حزينك

يكفي .. دخيلك ( حس ) باللي ترجاك
لا عاش منهو .. يا حياتي .. يهينك

تعبت مالي .. بالهوى غير .. دنياك
مديت لك يمناي .. عطني .. يدينك

اعاهدك .. ببقى على الحب .. منساك
عهد قطعته .. بين قلبي .. وبينك



عجبتني وحبيت أنقلهـــآ لعنوناتكم ..!!


تحيتي’’...........